عـزف الورود

السلام عليكم ورحمة الله وبركاته
اخي الزار منتديات عزف الورود ترحب بك داااماً

حياك الله معنا .... شرفتنا ونورنتا

عـزف الورود

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

_- ترحب بكم -_

المواضيع الأخيرة

» المسجد المهجور..
قصت شباب مع مستشفى عرقه المسكون I_icon_minitimeالإثنين أغسطس 09, 2010 7:27 pm من طرف دروب

» 
قصت شباب مع مستشفى عرقه المسكون I_icon_minitimeالأربعاء يونيو 30, 2010 11:25 am من طرف هيونه

» قصة شاب مع صك أعسار
قصت شباب مع مستشفى عرقه المسكون I_icon_minitimeالإثنين يونيو 28, 2010 3:17 pm من طرف هيونه

» (((محشش 2010)))
قصت شباب مع مستشفى عرقه المسكون I_icon_minitimeالإثنين يونيو 28, 2010 2:06 pm من طرف درر

» مكياج هادئ في فصل الصيف
قصت شباب مع مستشفى عرقه المسكون I_icon_minitimeالسبت يونيو 26, 2010 3:39 pm من طرف هيونه

» فوائد الصلاة النفسية :
قصت شباب مع مستشفى عرقه المسكون I_icon_minitimeالسبت يونيو 26, 2010 11:44 am من طرف دروب

» هل تتوقعون
قصت شباب مع مستشفى عرقه المسكون I_icon_minitimeالأحد يونيو 20, 2010 4:31 am من طرف عبدالله الوطبان

» جبت لكم نكته تضحك هههههههههههههه
قصت شباب مع مستشفى عرقه المسكون I_icon_minitimeالأحد يونيو 20, 2010 4:29 am من طرف عبدالله الوطبان

» لغز جميل
قصت شباب مع مستشفى عرقه المسكون I_icon_minitimeالأحد يونيو 20, 2010 4:26 am من طرف عبدالله الوطبان

تصويت


4 مشترك

    قصت شباب مع مستشفى عرقه المسكون

    أمـ صعفق
    أمـ صعفق
    عضو


    عدد المساهمات : 136
    نقاط : 170
    تاريخ التسجيل : 28/04/2010

    قصت شباب مع مستشفى عرقه المسكون Empty قصت شباب مع مستشفى عرقه المسكون

    مُساهمة  أمـ صعفق الثلاثاء يونيو 01, 2010 12:21 pm

    بسم الله الرحمن الرحيم
    منقول لعيونكم


    قصة شباب قاموا بزيارة لمستشفى عرقة المهجور من باب الأثارة و والفضول بعد ان سمعوا عن قصة الجن بداخل المستشفى !! اترككم مع احداث القصة على لسان احد الشباب ذكرها و تناقلتها بعض المواقع:

    يقول الشاب :
    سمعنا ان فيه مستشفى في عرقه مهجور ويقولون العيال انه مهجور من حرب الخليج جوه اخواننا الكويتيين وجلسو فيه وبعدها معد احد دخله
    ويقولون فيه جن انا بس سمعت جن قلت له جايينه جايينه

    مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
    المهم على كلامنا تجمعنا العصريه ورحنا له
    المستشفى كبير وفيه سكن اكبر منه مافيه ومهجور
    من برى شكله احسن من مستشفى الشميسي
    المهم قعدنا نحوس عليه من برى طبعا بالسياره مالقينا مدخل له
    المهم قررنا ان احنا ننقز فوق السور طبعاً السور شوي عالي ومافيه صعوبه
    لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم
    المهم نقزنا وضبطنا امورنا جينا لـ باب مكسور نصه دخلنا معه
    والمكان من داخل مغبر عليه اكوام تراب
    المهم دخلنا والله بدا الظلام يجي طبعا مو الوقت لا المكان مظلم وموحش
    دخلنا وكل واحد فاتح جواله وينور به طريقه
    المهم قعدنا نحوس ونفرفر يمنتن ويسره طبعا هالحتسي كله بالدور الاول
    المهم دخلنا الكافيتيريا وكان فيه درايش ومنور المكان
    المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
    المهم سمعنا صوت قوووي في الدور الثاني العيال خاافو وكل واحد صفقته ام الركب
    وماااتشوفون الا نعال تتطاير في السماء من النحشه
    المهم طلعنا واحنا نشاهق من الخوف
    ويوم طلعنا قابنا سيكورتي قال لنا : وش جابكم هنا بهالوقت .؟؟
    قلنا لا والله بس واحد من العيال يقول ان هنا جن وحبينا نشوف قال اهاا
    روحو ولعد اشوفكم هنا مرتن ثانيه قلنا ايه طيب

    بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
    المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
    قال وش جايبكم قدام هالمستشفى قلنا له الي قلناه للسيكورتي
    قلنا له بس السيكورتي واحنا داخلين ما قال لنا شي
    قال اي سيكورتي .؟
    قلنا السيكورتي الي هنا
    قال والله مافيه سيكورتي هنا من 9 سنين
    احنا تغيرت وجيهنا
    اجل وشذا اللي كلمنا !!

    وركبنا السياره ومشينا
    قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
    الا ان كان بتجون معي قالو تمام بس نبي نصير مجموعه مو تسذا ملحطين

    الجزء الثاني
    والعودة مرة أخرى إلى المستشفى

    المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
    معنا كشافات عشان الليل ..
    المهم وصلنا للمستشفى الساعه 2 ونص الليل <<< يقالك بنخربها
    رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل
    ورحنا للباب نفسه لقينا الباب كله مكسور امس كان نصه لا الحين كله مكسور
    وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
    المهم واحد من الي جبناهم قد مره داخل المستشفى وشوي يعرف الي فيه
    قلنا له وين ثلاجه الموتى
    بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه
    المهم ماعلينا
    رحنا لـ ثلاجه الموتى
    ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
    انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
    راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم
    قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
    المهم رقينا للدور الي بعده ومالقينا فيه شي يجذب او يخوف
    ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
    قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
    المهم وصلنا للدور السابع لقينا الباب حقه مقفول بس واضح ان لو تهف الباب طاح

    المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه
    احنا طارت عيوننا
    جلسنا ننادي يمكن يصير فيه احد ولاش
    قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
    المهم هم رقو واحنا قاعدين ندور
    ما وعينا الا نسمع صراااخ اخويانا الثنين
    وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي
    قعدنا نلحقهم طولنا واحنا نركض وراهم الييين طلعنا
    واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
    المهم قال والله وبالله واقسم بالله اني صادق على كل كلمه اقولها قلنا عارفين بس قل
    قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
    المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
    المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
    وثلاثه بعد قالو كذا وركبو السياره
    احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
    بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
    ونفرك ذيك الفركه الي مابعدها
    ولاعد عتبنا عليه مره ثانيه
    بس الشي الغريب ان فيه اجهزه جدييييييييييييييده مررره بكراتينها
    وبعد ماسويت بحث يقولون انه انه مبني من عام 1400 في عهد الملك خالد الله يرحمه
    وصدق خويي انهم جو فيه الكويتيين ومن بعدها انهجر المستشفى
    بس والله شي يقهر اجهزه من اعلى المستويات << متعوب عليها
    واشياء من جد سابقه عصرها
    وان شاء الله الصور تثبت كلامي

    والصور ان شاء الله بكره

    ووالله ياشباب ويا صبايا ان مازدت ولا نقصت ولا حرف ناقلها لكم نصاً
    والله على ما اقوله شهيد
    والي مو مصدق يروح يدخله ويشوف

    [ندعوك للتسجيل في المنتدى أو التعريف بنفسك لمعاينة هذه الصورة]
    هالصوره من غرفة الحاسب الآلي حقهم
    [ندعوك للتسجيل في المنتدى أو التعريف بنفسك لمعاينة هذه الصورة]
    شوفوا ضخامه الأجهزة , تحسونها شئ قوي , وتذكروا انها من عام 1400
    [ندعوك للتسجيل في المنتدى أو التعريف بنفسك لمعاينة هذه الصورة]

    هنا موضوع في جريدة الأقتصادية قبل سنتين يتحدث عن المستشفى
    كلام الجمهوور
    بني على أحدث المواصفات والمقاييس ويحتوي على 200 وحدة سكنية ..و"الصحة" تسلمه لـ "الداخلية"

    شائعات المبنى "المسكون" تطارد مستشفى عرقة منذ 28 عاما

    يعرف سكان حي عرقة مبنى كبيرا يقع في آخر حيهم، ذا طوابق متعددة تميزه حداثة التصميم منذ أن سكنوا الحي، لكن عدم تشغيله طوال 28 عاما جعل منه محورا للشائعات، وهو ما زاد الغموض بشأنه، رغم أنه بني على أحدث المواصفات والمقاييس.
    "الاقتصادية" زارت موقع المستشفى الواقع شمال غرب العاصمة الذي بدا في حالة غريبة، واجهات منه زجاجها مهشم والشجيرات الصغيرة قد نبتت في كل أرجائه، في هذه الأثناء كان لقاءنا بالحارس، ولم يكن في البداية يعلم أن الصحافة قريبة منه لئلا نمنع من معرفة حقيقته، إذ أخبرناه أننا من سكان الحي، وسألناه عن قصة هذا المبنى، ليبدأ في سرد ما لديه من معلومات حسب موقعه واختلاطه بمسؤوليه. يقول الحارس: "بني هذا المستشفى عام 1400 هـ قبل 28 عاما كمستشفى للصحة النفسية، من قبل شركة سعودي أوجيه، كانت هناك بعض المشكلات في تشغيله وعن موقعه، ليظل في مداولات لحله من وزارة الصحة طوال هذه السنوات".
    وأضاف: إن المستشفى يحوي على مبنى رئيسي وفيه أجهزة طبية منذ أن أنشئ تكلفتها بالملايين، كما يتضمن المستشفى أكثر من 200 وحدة سكنية قسم للعزاب وأخرى للعائلات، وفيه مضختان للمياه تآكلتا منذ ذلك الوقت".
    وأكد الحارس أن الوحدات السكنية في المستشفى استضافت العائلات الكويتية أيام الحرب الخليجية لفترة من الزمن، مشيرا إلى أن أهالي الحي ما زالوا يؤدون الصلوات الخمس في مسجد المستشفى حتى الآن. وبسؤاله عن ما يردده أهالي الحي بأنه مسكون ليجيب الحارس بـ"نعم".
    وأبان حارس المستشفى أن الشؤون الصحية في وزارة الصحة ورد منها خطابا أمس الأول لحراس المبنى لإخلائه. وبين أن تسعة أشخاص يقومون بحراسته بالتناوب.
    في حين أكدت مصادر لـ"الاقتصادية" أن وزارة الصحة تنازلت به لوزارة الداخلية، واستبعدت "الصحة" أن يكون المبنى صالح طبيا، لافتا إلى أنه تم نقل الأجهزة والمعدات من مستشفى عرقة أول أمس إلى مستشفى الملك فيصل التخصصي وإلى مستشفيات المنطقة. ولم يعرف مصير المستشفى حتى الآن، بعد أن حصلنا على معلومات تفيد أن "الداخلية " ستتسلمه خلال اليومين المقبلين.
    "الاقتصادية" حاولت الاتصال على رئيس لجنة في وزارة الصحة خصصت لموضوع مبنى المستشفى وبمسؤولين في الشؤون الصحية ولم نجد ما يؤكد صحة انتقاله لـ "الداخلية" وما تضمنه الخطاب الذي تحدث عنه حارس المبنى.
    يشار إلى أن الأمير سلمان بن عبد العزيز ترأس مجلس المنطقة في وقت سابق لعام 1426/1427 هـ التي عقدت في قصر الحكم. وناقش المجلس ضرورة الإسراع في تشغيل مستشفى عرقة القائم وقرر أن تقدم وزارة الصحة برنامجا زمنيا لسير العمل في استكمال التجهيزات التي تقوم بها في المستشفى مع إيضاح تاريخ محدد لبدء التشغيل.

    عدد القراءات: 2315




    13 تعليق



    خالد الشمري (1) 2009-03-16 1500 .................
    بلغ عن التعليق
    أبو سعود F -15 (2) 2009-03-21 0200 يوجد فيه عدة أجهزه طبيه جديد و لم تستخدم من عهدها
    والي مو مصدق يدخل ويشوف مدري وش يحسون فيه بعض الناس
    بلغ عن التعليق
    ابو فادي (3) 2009-03-24 2200 انا اليوم دخلته انا واخوياني بتاريخ 27\3\1430ه والمستشفى سمعنا عنه كثير لذالك رحنا وشفناه المستشفى على ما شفت انه مستشفى راقي كان مجهز بكل الاجهزه كان والطوابق ...وفيه من التلفزيونات والاجهزه واسطوانات غاز الاوكسجين وغيره
    مع تحيات عيال مدرسة الفيصل الثانويه
    28\3\1430ه
    بلغ عن التعليق
    ابو ناصر (4) 2009-04-28 0400 انا داخل يوم 29/4 مجهز بكل المعدات
    ومهجور
    بلغ عن التعليق
    thug (5) 2009-05-01 1700 والله الصراحه مستشفى يخووووووووووف
    انا دخلته >الأجهزة الي فيه كلها جديده
    أخر دور هو الي مسكون
    بلغ عن التعليق
    ابوغليم (6) 2009-05-10 2300 والله دخلت اناا واخوياي المشكله كل الاجهزه جديده مرررررره يووووم طلعنااا طولنا على المسجل ونرقص مع تحيات ابووووغليم

    بلغ عن التعليق
    أبوهلا (7) 2009-05-14 2000 هههههه الله يرجك يابوغليم وحنا دخلنا وقفطنا الحاارس بسس جت عواافي خخخخخخخ وان شاء الله نبي ندخله اليوم ونبي نجيب كمره ونصوره
    بلغ عن التعليق
    ابو صالح (8) 2009-05-22 1500 انا دخلته امس الليل
    اللي مستغرب منه الأنوار تشتغل للحين من 28 سنه !!!!!
    بس والله المستشفى يخوف
    ويبيلي اروح له الصبح واروح لأخر دور
    بلغ عن التعليق
    قرووووووب فاضي 24/24 (9) 2009-05-24 0400 انا اليوووم 24/5/2009 الساعه 3:24
    وصلنا للآخر دووور المستشفى فلم رعب يعني تخووووف وشغلنا كل الانوار اللي في الاستقبال والاجهزه جديييده

    بلغ عن التعليق
    ابوسيف (10) 2009-06-01 02:00:00 انا اليوم رحت للمستشفى انا وخمسه معي وشفنا اشياء غريبه واصوات والبيبان تتسكر وتنفتح وحنا ما ندري وش السالفه ويقلون الدور السكون هو الدور الثامن والاسكان الي قدامها والي يبي يروح نتواعد انا وياه يوم من الايام واوريكم اشياء غريبه

    بلغ عن التعليق
    ابوسيف (11) 2009-06-01 0200 مكرر
    بلغ عن التعليق
    ابو عزيز (12) 2009-06-05 1400 الحقيقه انا رحت المستشفى ومعي مجموعه الشباب وتم القبض علينا من قبل الحراس الموجودين في المستشفى وبعد معاناه تم اطلاقنا بعد تعهد بحضور الدوريات و النجده على فكره مسوين حراس المستشفى كمين بدون الواحد مايحس والله الموفق
    بلغ عن التعليق
    ريان (13) 2009-06-05 1500 السلام عليكم و رحمه الله وبركاته رحت المستشفى وشفته على الطبيعه ودخلنا ومسكونا الحراس وتهمونا بسرقات المستشفى وسلمونا الشرطه وبعد يومين خرجنا من السجن والحمدلله جت سليمه جت عوافي




    خخخخخخخآآي سسويت لكم فلم رعب هع

    تحيآآتي
    آمـ صعفق y27
    برهومي
    برهومي
    عضو


    عدد المساهمات : 25
    نقاط : 28
    تاريخ التسجيل : 31/05/2010

    قصت شباب مع مستشفى عرقه المسكون Empty رد: قصت شباب مع مستشفى عرقه المسكون

    مُساهمة  برهومي الجمعة يونيو 04, 2010 8:21 am

    y187
    ~الـشـا مـخ~
    ~الـشـا مـخ~
    عضو مبدع
    عضو مبدع


    عدد المساهمات : 144
    نقاط : 219
    تاريخ التسجيل : 30/04/2010

    قصت شباب مع مستشفى عرقه المسكون Empty رد: قصت شباب مع مستشفى عرقه المسكون

    مُساهمة  ~الـشـا مـخ~ الجمعة يونيو 04, 2010 12:29 pm

    خخخخخخخخخ مهسترين<< زي مدري المنتدى
    أمـ صعفق
    أمـ صعفق
    عضو


    عدد المساهمات : 136
    نقاط : 170
    تاريخ التسجيل : 28/04/2010

    قصت شباب مع مستشفى عرقه المسكون Empty رد: قصت شباب مع مستشفى عرقه المسكون

    مُساهمة  أمـ صعفق الجمعة يونيو 04, 2010 2:00 pm

    برهومي كتب:y187

    الله يعافيك

    دووم الطله
    أمـ صعفق
    أمـ صعفق
    عضو


    عدد المساهمات : 136
    نقاط : 170
    تاريخ التسجيل : 28/04/2010

    قصت شباب مع مستشفى عرقه المسكون Empty رد: قصت شباب مع مستشفى عرقه المسكون

    مُساهمة  أمـ صعفق الجمعة يونيو 04, 2010 2:01 pm

    ~الـشـا مـخ~ كتب:خخخخخخخخخ مهسترين<< زي مدري المنتدى


    خخخخخخخخخخآي


    يسسسسسسسسسلمو خيوو

    ع المرور
    عبدالله الوطبان
    عبدالله الوطبان
    V.I.B
    V.I.B


    عدد المساهمات : 212
    نقاط : 228
    تاريخ التسجيل : 31/05/2010

    قصت شباب مع مستشفى عرقه المسكون Empty رد: قصت شباب مع مستشفى عرقه المسكون

    مُساهمة  عبدالله الوطبان الجمعة يونيو 11, 2010 7:52 am

    امـ صعفق مشكوره
    أمـ صعفق
    أمـ صعفق
    عضو


    عدد المساهمات : 136
    نقاط : 170
    تاريخ التسجيل : 28/04/2010

    قصت شباب مع مستشفى عرقه المسكون Empty رد: قصت شباب مع مستشفى عرقه المسكون

    مُساهمة  أمـ صعفق السبت يونيو 12, 2010 3:42 am

    عبدالله الوطبان كتب:امـ صعفق مشكوره

    العفوو

    يسلمو ع المرور

      الوقت/التاريخ الآن هو الخميس مارس 28, 2024 1:06 pm