عـزف الورود

السلام عليكم ورحمة الله وبركاته
اخي الزار منتديات عزف الورود ترحب بك داااماً

حياك الله معنا .... شرفتنا ونورنتا

_- ترحب بكم -_

المواضيع الأخيرة

» المسجد المهجور..
الإثنين أغسطس 09, 2010 7:27 pm من طرف دروب

» 
الأربعاء يونيو 30, 2010 11:25 am من طرف هيونه

» قصة شاب مع صك أعسار
الإثنين يونيو 28, 2010 3:17 pm من طرف هيونه

» (((محشش 2010)))
الإثنين يونيو 28, 2010 2:06 pm من طرف درر

» مكياج هادئ في فصل الصيف
السبت يونيو 26, 2010 3:39 pm من طرف هيونه

» فوائد الصلاة النفسية :
السبت يونيو 26, 2010 11:44 am من طرف دروب

» هل تتوقعون
الأحد يونيو 20, 2010 4:31 am من طرف عبدالله الوطبان

» جبت لكم نكته تضحك هههههههههههههه
الأحد يونيو 20, 2010 4:29 am من طرف عبدالله الوطبان

» لغز جميل
الأحد يونيو 20, 2010 4:26 am من طرف عبدالله الوطبان

تصويت


    رسالة ريما ال سعوود ههههههه

    شاطر
    avatar
    하지만
    مشرفه مميزه
    مشرفه مميزه

    عدد المساهمات : 208
    نقاط : 315
    تاريخ التسجيل : 28/04/2010

    رسالة ريما ال سعوود ههههههه

    مُساهمة  하지만 في الأربعاء يونيو 09, 2010 3:52 pm

    رسالة الأميرة ريما آل سعود حول سيول الرياض والردود عليها

    الى كل من يتهزا بالمملكة يأسفني بأنكم أشخاص تنتمون "للوطن" و التهزي ببلدكم اللي شبعتوا من خيرها يدل على قل الوفاء و الولاء. بالاضافة ان معظم دول العالم تأخذ من مواطنينها ضرائب على كل الخدمات اللي توفرها الحكومة لهم و مع ذلك انتم عايشين فوطن ما تدفعونلها ولا ريال على الأشياء اللي قعد توفرها لكم من خدمات عامة!!!! و لسه مو عاجبكم؟! و الانسان إذا ما فيه خير لوطنه ما فيه خير لا لأهله ولا لنفسه!! حتى دراستكم ببلاش و الجامعة تعطيكم مكافآت! الدول الثانية.. الطالب يشتغل أربعة اشغال عشان يوفر تكاليف الدراسة ومع ذلك لانتوا نافعين لا أنفسكم ولا وطنكم و الدليل على تصرفاتكم الجاهلة و تضييع وقتكم بكتابة مسجات ما قعد تهينون إلا أنفسكم فيها. و كل مصيبة تحطونها على عاتق الملك و الحكومة!!! و الواحد لو يبي ينقد، ينقد نقد هادف ما يتسخر! افزعوا.. أخدموا.. صارعوا بدل ما أنتوا جالسين فبيوتكم تتشكون و تتذمرون من بناء بلدكم اللي أصلا ما ساهمتوا بتعميرها لا ماليا ولا يدويا!! و انتوا قعد تتذمرون على التبرعات.. ما تدرون ان هذا الشي طالع بأسم الشعب السعودي؟؟ ((( إذا كان بيتك من قزاز لا ترمي الناس بحجر))).... و اللي على راسه بطحة يحسس عليها!


    --------------------------------------------------------------------------------

    الردود
    ‏​‏​‏​السلام عليكم ياطويله العمر أتمنى توصل رسالتي لك بأسرع وقت . طبعا ماراح أتكلم عن الموضوع اللى تطرق له سموك الكريم . لكن عتبي الشديد على مدرسه الإملاء اللى درستك حسبي الله عليها درستك بدون ذمه . حبيت أصحح لك بعض الكلمات لأن بعض الشعب طال عمرك مايعرفون الكلام الكشخه
    مواطنينها « مواطنيها
    فوطن « في وطن
    تدفعونلها « تدفعون لها
    قعد « قاعده
    لانتوا « لا انتم برايفت .. لانتوا طال عمرك ساندوتش جديد بمطعم كودو مالها أي اختصاص بموضوعك .بس شكل سموك جوعان
    قعد تهينون «لا يمكن عرض الصفحه

    يتسخر! « !وش ذي طال عمرك ؟ على العموم لو كانت سبه مسموحه
    بلدكم اللي أصلا ما ساهمتوا بتعميرها لا ماليا ولا يدويا!! « وهي صادزه
    افزعوا.. أخدموا.. صارعوا بدل ما أنتوا جالسين فبيوتكم « الله يهديك طال عمرك وش تبينا نسوي نروح نفك الازفلت وننشره طال عمرك ؟ شكل سموك ماقد افطر لوزين وليز وبيبسي حار
    تقبلى مروري طال عمرك :
    م-ب-ج « مواطن على بند الأجور


    --------------------------------------------------------------------------------

    رد آخر
    لما تعيشين في بيت شعبي وبيتك وسيارتك (إذا فيه سياره)غرقانين تعرفين ليش الناس تتشكى

    ‏​‏​‏​مدام يؤسفك اننا ننتمي لهذا الوطن
    فاعيشي فيه بلحالك .. وبنخليك تغرقين فيه بلحالك ولا راح أحد ينقذك لأن كل الدفاع المدني مواطنين

    وأول من بيسافر ويخلي ديرته أنتي وأشكالك .. قويم بالله

    أما بالنسبه للضرائب .. هو يعني إنتي طال عمرك ما شفتي الا الدول إلي تاخذ ضرائب وما ذكرتي الدول إلي تقدم الخدمات للمواطن مجانا مثل الكهرباء والماء والهاتف الثابت .. لكن راضين أنو ندفع رسوم وأنتي ماتدفعين عشان إذا جاء الصيف تقدمين على الديوان ويعطونك مبلغ تسافرين فيه إنتي وأهلك جعلكم ماترجعون وحنا بنقعد بالبلد نشجع السياحة الداخلية ونساعد على التقليل من هجرة الأموال خارج البلد لأن البلا منا وحنا عيال *** مانستحق نعيش في هذا البلد حنا إلي دمرنا البنيه التحتيه من كثر ما نقعد فيه وأنتو مالكم دخل لأنكم طول الوقت مسافرين برا
    أنا أقول الله يأخذنا أخذت عزيز مقتدر

    عشان مانجرحك بنقدنا إلي مو بناء حسب رأيك طال عمرك

    وتعقيبا على البلد إلي ما ساهمنا في بنائه لاماليا ولا يدويا ..
    من إلي يطلع لك البترول من بطن الأرض مو مواطنين من أرامكو ..
    ومن الي تبينه يبني الوطن يدويا هههههههه اختنا في الله متأثره بالتركيبه حقت البزارين
    أقول بس حدث الجاهل بما لا يعقل
    وعلى قولت إلي رد قبلي شكلك تفتقرين للتعليم الجيد ويتجلى ذلك بأسلوبك في التعبير عن رأيك
    وعلى شحم بس


    --------------------------------------------------------------------------------


    "ردآ على الأميرة :"هل تصدقين قصة "عزوز و الأربعين حرامي

    اتحفتينا بمقالتك اللي كاتبتها وأنتي توك صاحيه من النوم لأنه طبعا حضرتك لا دوام ولا شغله ولا مشغله ولا يمكن دراسه زي الناس وهالشي باين من الاغلاط الإملائية اللي تفقع المخ بمقالتك اللي مثل خشتك،

    طبعا ما عليك شرهه تقولين هالحكي وتمدحين مدح أعمى ما أنزل الله به من سلطان لأن حضرتك من يوم ما أنولدتي على هالدنيا تم فتح حساب باسمك ينزل فيه مرتب شهري بس لأنك أميره وياحيف لو كان كل الأميرات مثلك لا يتعدى تفكيرهم طرف خشومهم المعوجه بسبب كثرة عمليات التجميل في بيروت وباريس وعلى حساب الديوان الملكي طبعا

    أما بالنسبه لكلامك انكم بنيتوا البلد أقولك كيف الحال؟
    عسى ما تعبتي وأنتي شايله الاسمنت على ظهرك وتبنين؟
    ولا يكون بانيتها لحالك؟ وبعدين من زين البنيان انتي وخشتك يوم انك تتميلحين وتكشخين فيه ؟

    أي بنيان بالظبط ؟ بنيان جامعة نوره اللي طاح سقفها ولا بنيان الانفاق اللي طاحت فوق خلق الله ؟ ولا بنيان جامعه سعود اللي مستاجرينه من عمكم طلال اللي زرف الماليه وخلاها صفر ؟

    وبعدين لا يكون تحسبين نجد والجزيره كلها حقتكم ؟ وش نظام البزران اللي انتي عايشه فيه هذا حقتنا حقتنا ؟ لا يكون الملك عبدالعزيز وحدها لحاله وحنا ما ندري؟ ولا مصدقه سالفة عزوز والأربعين حرامي اللي بكتاب التاريخ؟

    ومتميلحه بالتعليم واننا ما ندفع فلوس من زين الجامعات حقتك اللي ما تفوقت إلا على الصومال يوم انك تذلين العالم فيها ؟ وبعدين الله من زين الجامعات اللي ما يجيب فيها معدل خمسه من خمسه إلا عزوز ولد فهد و نواف بنت فيصل،

    وبعدين المليار حق البحرين باسمنا ؟
    طيب مو مشكله هالمليار اللي راح بالبحرين خليه يروح باسمنا بس المليارات الثانيه اللي بحساباتكم بدون وجه حق مع انه فيه عالم ميته من الجوع ومو لاقيه تسكن ولا تتعالج رايحه لكم بعد باسمنا بعد؟

    ما أقول إلا ياشين السرج على البقر يالهطفه
    وأقول أصرف لك كلمي الديوان يحطون لك مليون بحسابك عشان تروحين باريس لأن الرد هذا لعب بنفسيتك وتبين تريحين أعصابك على حساب الدوله أما المواطنين اللي يموتون كل يوم لأنه ما لقوا أكل ولا علاج ولا تعليم ولا سكن ما عليك منهم فيه رب فوقهم وفوقكم رافعين أيدينهم له ويدعون على أشكالك من ال سعود إلا من رحم ربي منهم وللأسف انهم قليل جدا أما البقيه كلهم مثلك ومثل تفكيرك حق البزران. يالله أنقلعي طال عمرك
    avatar
    ~الـشـا مـخ~
    عضو مبدع
    عضو مبدع

    عدد المساهمات : 144
    نقاط : 219
    تاريخ التسجيل : 30/04/2010

    رد: رسالة ريما ال سعوود ههههههه

    مُساهمة  ~الـشـا مـخ~ في الخميس يونيو 10, 2010 2:24 am

    مو فاضضي اقرأ بس يعطيك العافيه
    avatar
    أمـ صعفق
    عضو

    عدد المساهمات : 136
    نقاط : 170
    تاريخ التسجيل : 28/04/2010

    رد: رسالة ريما ال سعوود ههههههه

    مُساهمة  أمـ صعفق في الخميس يونيو 10, 2010 3:42 am

    هههههههههههههههههآآي

    والله عجببوووني الي ردو عليها

    تستآهل y18 ترفع الضغط والله


    مششكوره على النقل
    avatar
    عبدالله الوطبان
    V.I.B
    V.I.B

    عدد المساهمات : 212
    نقاط : 228
    تاريخ التسجيل : 31/05/2010

    رد: رسالة ريما ال سعوود ههههههه

    مُساهمة  عبدالله الوطبان في السبت يونيو 12, 2010 3:12 am

    مشكورهـ
    avatar
    دروب
    عضو

    عدد المساهمات : 77
    نقاط : 129
    تاريخ التسجيل : 18/05/2010

    رد: رسالة ريما ال سعوود ههههههه

    مُساهمة  دروب في الإثنين يونيو 14, 2010 7:46 pm

    خخخخخخخخخخخخخخ

    مشكورة قلبي على النقل وسعتي صدري

      الوقت/التاريخ الآن هو الإثنين ديسمبر 11, 2017 4:01 pm