عـزف الورود

السلام عليكم ورحمة الله وبركاته
اخي الزار منتديات عزف الورود ترحب بك داااماً

حياك الله معنا .... شرفتنا ونورنتا

عـزف الورود

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

_- ترحب بكم -_

المواضيع الأخيرة

» المسجد المهجور..
قصة شاب مع صك أعسار I_icon_minitimeالإثنين أغسطس 09, 2010 7:27 pm من طرف دروب

» 
قصة شاب مع صك أعسار I_icon_minitimeالأربعاء يونيو 30, 2010 11:25 am من طرف هيونه

» قصة شاب مع صك أعسار
قصة شاب مع صك أعسار I_icon_minitimeالإثنين يونيو 28, 2010 3:17 pm من طرف هيونه

» (((محشش 2010)))
قصة شاب مع صك أعسار I_icon_minitimeالإثنين يونيو 28, 2010 2:06 pm من طرف درر

» مكياج هادئ في فصل الصيف
قصة شاب مع صك أعسار I_icon_minitimeالسبت يونيو 26, 2010 3:39 pm من طرف هيونه

» فوائد الصلاة النفسية :
قصة شاب مع صك أعسار I_icon_minitimeالسبت يونيو 26, 2010 11:44 am من طرف دروب

» هل تتوقعون
قصة شاب مع صك أعسار I_icon_minitimeالأحد يونيو 20, 2010 4:31 am من طرف عبدالله الوطبان

» جبت لكم نكته تضحك هههههههههههههه
قصة شاب مع صك أعسار I_icon_minitimeالأحد يونيو 20, 2010 4:29 am من طرف عبدالله الوطبان

» لغز جميل
قصة شاب مع صك أعسار I_icon_minitimeالأحد يونيو 20, 2010 4:26 am من طرف عبدالله الوطبان

تصويت


4 مشترك

    قصة شاب مع صك أعسار

    هيونه
    هيونه
    نجمة المنتدى
    نجمة المنتدى


    عدد المساهمات : 274
    نقاط : 372
    تاريخ التسجيل : 01/05/2010

    قصة شاب مع صك أعسار Empty قصة شاب مع صك أعسار

    مُساهمة  هيونه الخميس يونيو 17, 2010 9:41 am

    السلام عليكم
    كبف أحوالكم
    هاذي قصة لاأحد الشباب
    بمناسبه حلول الحر
    ههههههههههههههههههه اتمنى تعجبكم


    أن الحرّ هالايام صايرن يمغط ظهر الواحد من يطلع من البيت إلييين يقضى من شغله ومايمديه يدخل برجله للبيت إلا و ( سيلن ) هدّار من العرق يصب على مشارف ظهره .. [ندعوك للتسجيل في المنتدى أو التعريف بنفسك لمعاينة هذه الصورة]
    انا موتي بصراحه أن الوالد يقول لي بعزّ الظهر :
    قم يامُدمن رح جب اغراض من فلان أو رح اشتر تمر ! .. يعني مامسكت معك - الله يعافيك - إلا بهالوقت .. طيب ماتقدر تأجل موعدك المُحترم بوقت ثاني .. أو على الأقل مدد وقت وخلنا نلعب بطريقة خروج المغلوب .. !
    [ندعوك للتسجيل في المنتدى أو التعريف بنفسك لمعاينة هذه الصورة]
    قبل سبعة أيام وثلاث دقايق وصّاني الوالد أني أروح أجيب ( صكّ إعسار ) حق جارنا من المحكمة .. جارنا هذا الله يكون بعونه خذ له
    ( سُلفه ) وحطّها في مُساهمة مع واحدن من هوامير العقار .. طبعاً الهامور سرقهم وسافر خارج السعوديه وصار يكلّمهم من كبينة تلفون عشان مايعرفون جوّاله << ابن اللذينا ... مايستخدم بطاقة سوا .. يقول لهالضعوف : تراي خسرت والله يعوّضكم خير .. يكلمهم ونفسه في خشمه جعل خشمه يكسر ومادّن رجليه في الشاليه هو ومعزّبته .. ومسكين جارنا تراكمت عليه الديون وجوه اللي ديّنوه واشغلوه وكل يومـ(ن) لاقطه واحدن مع رقبته ويقول : ( أظهر دراهمنا يافلان )
    .. حتى صلاته ماصار يصليها معنا وصار يصلي بالجامع الكبير يخاف انهم يكفشونه .. راحوا واشتكوه عند المحكمة وحكمت عليه المحكمه أنه يسدد غصبن على اللي خلفوه بليلتن سودا .. دبّر اموره وطلّع له ( صك إعسار ) عشان يفتكّ من هالديون والوالد متحمّس معه حبتين لأنه جار .. والجار ولو جار .. مع أن واحدن من عياله مايهنا له الجوّ إلا لين يدف الزباله - الله يكرمكم - عند مدخل بيتنا .. عشان ماتاخذ موقف ددسنه العراوي .
    [ندعوك للتسجيل في المنتدى أو التعريف بنفسك لمعاينة هذه الصورة]
    المهم .. زرقت للمحكمة أجيب الصكّ .. وانا متأكد أن فيه ( دعوتن ) صابتي بخصري اليمين .. شمس وحرّ مايفارق خشتي وزودن على كذا
    ( مكيّف سيارتي تهرقل )
    وتعطّل بغمضة عين !
    [ندعوك للتسجيل في المنتدى أو التعريف بنفسك لمعاينة هذه الصورة]
    ياولد .. عدّل بدّل .. حسبي الله على ( هيك ) صكّ ( راح يجيب لي البهاديل ) .. وحسبي الله عليك ياراعي الشاليه ياسروقن ماتسوى ريال سلف .. ألا ياجعلك تعوّد ثم تطيح بك الطياره باقرب خفس وتفكّنا من شرّك .[ندعوك للتسجيل في المنتدى أو التعريف بنفسك لمعاينة هذه الصورة]

    وكل مامريت من عند واحد مسكّر درايش سيارته واشوف شماغه " يهبهب " يمين وشمال من زود البراد .. أتمقّل خشته واغبطه .. كتمني الحر بهالموتر .. ومن زود البراد عندنا - الله لايضرّنا - من افتح دريشـــــة الموتر إلا وهالحرّ السمومي اللي يفتّ العظم جاي يركض ويضمّني بصدره الحاني .[ندعوك للتسجيل في المنتدى أو التعريف بنفسك لمعاينة هذه الصورة]

    وصلت المحكمة بعد مُعاناة وانا شايل همّ " العَوده " .. شلون أعوّد ووشلون أتحمّل هالحراره السياحية .. خذت الصكّ .. ورجعت امشي مليون .. وانا واقف عند الاشارة وخاشّ جوّ مع اذاعة بانوراما
    والمذيع يقول الخبر : ومن كوريا الجنوبية وانتشار مرض " باركِنسون " المُعدي .. إلى حرائق أدغال المكسيك الجنوبية والقريبة من ولاية موريلوس ، حيثُ احترقت المنازل
    وقُتِل حسب آخر الإحصائيات 256 شخص .. وقد هرعت قوّات الإنقاذ إلى الموقع لإنقاذ ماتبقى من إصابات وحالات خَطِرة !
    [ندعوك للتسجيل في المنتدى أو التعريف بنفسك لمعاينة هذه الصورة]
    لا إرادياً تقرفشت يدي لِمُحرّك الراديو وسكّرته وانا اقول
    ( حسبي الله ونعم الوكيل )
    .. وش ذا .. أمراض وحرايق .. الله ينجينا بس من النار .. التفتّ على اللي جنبي وكان شايب راكب سيارتن ذربه .. بس أنه شايبن ( سنع ) وزكرت .. وشكله ماخذن ثانيه وعمره راجعن " خمس سنوات ورى " .. حتى شعر شيبه مصبوغ بصبغة " تايوانيه " وما أمداه يصبغها إلا وانكفش الشيب ورجع لونه الأصلي وبانت الدعوه وانكب العفش .. كان ماسك بيده الشمال " آيس كريم " .. وفي رواية أخرى قروية ( عسكريمه ) .. ماسكها بيده الشمال وخذ لحس وشعمطه .. قلت : ياولد .. مابدهاش .. أقرب محل وامعط عمرك زي غيرك .. على الأقل نقاوم هالحرارة .. وقّفت وخذت ( عسكريمه ) << استخدمت اللفظ الثاني لأني وبِكُل فخر ( قروي ) وماني من بتوع النيدو والبيوميل والـ ( S 26 ) .. ويوم رجعت للسياره وسكّرت الباب إلا وذاك البزر الاسمراني اللي يلحس قزازة دريشتي .. جالس يلمّح .. يعني ياتعطيني ريال أو أصير شريك لك في هاللي بيدّك !
    [ندعوك للتسجيل في المنتدى أو التعريف بنفسك لمعاينة هذه الصورة]

    سألته : وش عندك هنا يابزر .. قال : عطني الله يعطيك .. اعطيني الله يخليك رياله والا ريالين .. قلت : وين أهلك .. قال : هناك .. وأشّر على الإشارة القريبة منّي .. وكانت أمّه واقفه تبيع " مويه " أم نصّ ريال .. قلت : طيّب يالله ( غنّي لي ) عشانك اعطيك رياله .. قال :
    ( أحنا احبابُ اللهِ .. رِزِقنا مِن عِندوو .. مانبغى غير الرياله .. مِن واحِد كارييم )
    .. قلت وانا متشقق ومبسوط : يالله هذا رياله لك .. وهذا رياله لامّك .. ويوم التفتّ على العسكريمه اللي كنت حاطّها بكرتون صغير بداخل السياره .. لقيتها سايحه وماباقي فيها إلا قلييييل .. قلت : حسبي الله على هيك " صكْ " .. طبعاً المحل سكّر .. والولد راح يراكض بالريالين .. وانا وقفت متصنّم من هالحالة والبهذلة بعزّ الظهر ..
    [ندعوك للتسجيل في المنتدى أو التعريف بنفسك لمعاينة هذه الصورة]
    تحرّكت وشغلت الراديو مرّه ثانيه .. وجلست أتسمّع حلقة برنامج مُتميّز على القناة الجزائرية بعنوان :
    قبل أن نقاوم حرارة الصيف يجب أن نقاوم سُرّاق الشعب الضعيف !

    *
    مايُستفاد من المااااضوع
    أولاً
    : الحرّ حرّ وما إلك إلا هيفا !
    [ندعوك للتسجيل في المنتدى أو التعريف بنفسك لمعاينة هذه الصورة]
    رابعاً
    : اذا قال لك الوالد بعزّ الظهر : رح جب تمر .. فقل له بِكُل بجاحه : نبي اليوم نتقهوى على تويكس وجالكسي !
    [ندعوك للتسجيل في المنتدى أو التعريف بنفسك لمعاينة هذه الصورة]
    سابعاً
    : الجار ولو جار .. بس اذا حطّ ولد جاركم عند مدخل باب بيتكم ( زباله ) فرح واشتر لك قلم خطّاط واكتب على جدار بيتهم بالخط العريض : هُنا مطلوب أمني
    [ندعوك للتسجيل في المنتدى أو التعريف بنفسك لمعاينة هذه الصورة]
    تاسعاً : ترى العسكريم أبو ريالين ( خراطن ) فاضي .. والا شلون يسيح بهالسرعه مع جونا البارد بعزّ الظهر !
    ثانياً : احنا بنعمه ... عندنا حرّ .. بس عند غيرنا حُمّى قاتِله وحرايق تعثى في أكل الأخضر واليابس .. ياربي لك الحمد .
    خامساً
    : الصدقة بركة .. واللون الاسمر " مرأص القدعان " .. وانتبه أحد يلعب عليك عند الاشارة ويبيع لك بريــال مويه أم نص ريال
    ثالثاً : الموضوع ماله دخل في السياسه .. بس له دخل في كُل حرامي وهامور جالس يسرق الشعب بعزّ النهار .. وجالس يدّعي أنه راح يردّها دبل .. وهو فالحقيقة " تسذوبن أبقع " .. وربعنا نايمين في العسل وماجبوا خبره !
    [ندعوك للتسجيل في المنتدى أو التعريف بنفسك لمعاينة هذه الصورة]
    سادساً : أبشركم : صك الإعسار وصل لجارنا وهو الآن جالس يسوّي دراسة لأحسن مسجد عندنا بالحي .. عشان يُفيضون عليه الجماعه بعد الصلاة بِما رَزَقَهُم الله .
    ثامناً وأخيراً
    : تمسوّا على خير .. وتلحفوا زين عن البرد !
    [ندعوك للتسجيل في المنتدى أو التعريف بنفسك لمعاينة هذه الصورة]
    :: قلب حُب أحمر .. وداخله سهم من فوق وطالعن من تحت .. والدم يخرخر من تحت .. ومكتوب فوق السهم اللي فوق ( مدمن شاهي ) .. والسهم اللي تحت مكتوب تحته كل الناس
    عبدالله الوطبان
    عبدالله الوطبان
    V.I.B
    V.I.B


    عدد المساهمات : 212
    نقاط : 228
    تاريخ التسجيل : 31/05/2010

    قصة شاب مع صك أعسار Empty رد: قصة شاب مع صك أعسار

    مُساهمة  عبدالله الوطبان الأحد يونيو 20, 2010 4:33 am

    هههههههههههههههههههه


    y187
    هيونه
    هيونه
    نجمة المنتدى
    نجمة المنتدى


    عدد المساهمات : 274
    نقاط : 372
    تاريخ التسجيل : 01/05/2010

    قصة شاب مع صك أعسار Empty رد: قصة شاب مع صك أعسار

    مُساهمة  هيونه الأحد يونيو 20, 2010 7:36 am

    الله يعافيك

    مشكور على مرورك
    دروب
    دروب
    عضو


    عدد المساهمات : 77
    نقاط : 129
    تاريخ التسجيل : 18/05/2010

    قصة شاب مع صك أعسار Empty رد: قصة شاب مع صك أعسار

    مُساهمة  دروب السبت يونيو 26, 2010 12:02 pm





    الله ينجينا من حر جهنم
    يعطيك العافية هيونة
    هيونه
    هيونه
    نجمة المنتدى
    نجمة المنتدى


    عدد المساهمات : 274
    نقاط : 372
    تاريخ التسجيل : 01/05/2010

    قصة شاب مع صك أعسار Empty رد: قصة شاب مع صك أعسار

    مُساهمة  هيونه السبت يونيو 26, 2010 3:32 pm

    تسلمين على مرورك ياغاليتي
    درر
    درر
    عضو


    عدد المساهمات : 34
    نقاط : 42
    تاريخ التسجيل : 31/05/2010

    قصة شاب مع صك أعسار Empty رد: قصة شاب مع صك أعسار

    مُساهمة  درر الإثنين يونيو 28, 2010 2:02 pm

    y19 والله موت مهوب حر وبس الله ينجينا من عذاب النار
    الحين ابسافر الى النمسا تامرين على شي
    ههههههههه
    الله يعطيك العافيه
    هيونه
    هيونه
    نجمة المنتدى
    نجمة المنتدى


    عدد المساهمات : 274
    نقاط : 372
    تاريخ التسجيل : 01/05/2010

    قصة شاب مع صك أعسار Empty رد: قصة شاب مع صك أعسار

    مُساهمة  هيونه الإثنين يونيو 28, 2010 3:17 pm

    درر كتب: [ندعوك للتسجيل في المنتدى أو التعريف بنفسك لمعاينة هذه الصورة] والله موت مهوب حر وبس الله ينجينا من عذاب النار
    الحين ابسافر الى النمسا تامرين على شي
    ههههههههه
    الله يعطيك العافيه


    هههههههههههههههه جيبي لناا شوي من البراد في الشنطه
    مشكوره على هالمرور الطيف

      الوقت/التاريخ الآن هو الثلاثاء مارس 19, 2024 4:01 am